USloth Vilavoco
Ngenye imini, kwafika uSloth Vilavoco endwendwele.
Wathi, “Ndiyozela! Ndifuna isebe elihle, endingalala kulo!”
“Ndilichule lokugwencela. Ukujinga yinto endiyaziyo.
Kodwa ukulala, yeyona yona nto ndiyithandayo!”
“Eli sebe likhangeleka lilungile! Ndicinga ukulala kulo.
Wena? Ingaba awutsho ukuba yingcinga efanelekileyo leyo?”
“Hayi ndiyala, Sloth Vilavoco! Kukho indlulamthi etya apho!
Iya kucinga ukuba ulisebe lomthi, ze iqalise ukutya uboya bakho!”
“Eli sebe likhangeleka lilungile! Ndicinga ukulala kulo.
Wena? Ingaba awutsho ukuba yingcinga efanelekileyo leyo?”
“Hayi ndiyala, Sloth Vilavoco! Kukho indlu yeenyosi apho!
Soze ulale lelo bubu leenyosi zibhubhuzela apho!”
“Eli sebe likhangeleka lilungile! Ndicinga ukulala kulo.
Wena? Ingaba awutsho ukuba yingcinga efanelekileyo leyo?”
“Hayi ndiyala, Vilavoco Sloth. Yinyoka leyo.
Ayilosebe elo! Usizana lwenyoka. Ulothusile noko.”
“Eli sebe likhangeleka lilungile! Ndicinga ukulala kulo.
Wena? Ingaba awutsho ukuba yingcinga efanelekileyo leyo?”
“Hayi ndiyala, Vilavoco Sloth. Kukho intaka eculayo apho.
Soze ulale yiloo ngxolo ilapho!”
“Zama ukunyuka uye kwelinye isebe, Vilavoco Sloth!” batsho bonke.
Kanti ke elo yayilelona sebe limlungeleyo, njengoko nabo batshoyo bebonke.
Intaka nenyoka, indlulamthi nenyosi nganye-nganye, bakuvuyela ukundwendwelwa nguVilavoco Sloth, emthini wabo.
USloth Vilavoco
Sleepy Mr Sloth in Xhosa
Created by Graham Paterson, Paul Kennedy, Nick Mulgrew
Translated into Xhosa by Nal'ibali
This work is licensed under a Creative Commons Attribution 4.0 International License. This means you are free to share (copy and redistribute the material in any medium or format) and adapt it (remix, transform, and build upon the material) for any purpose, even commercially, as long as you give appropriate credit, with a link to your source, and indicate if changes were made. You may do so in any reasonable manner, but not in any way that suggests the licensor endorses you or your use.
